HATA PATUJOLO SIAN ADMIN

HORAS MA DINATUA-TUAKU !

     Horas ompung, molo ahu pomparan ni SIANTURI SIMATANIARI-, sian sundut 16.

Molo hutanami di Huta ambobi paranginan do ompung.

Jumolo au marsantabi tu da ompunghu ,alana naposo bulung dope au.

      Hupasahat mauliate godang tu daompung, alana nunga dipatupa ompung tarombo ni marga sianturi. MANUKKUN TAHI (OP. ULAK MORA/BR.PANE Gabe boi ma boto on dohot parsiajaran nami angka ramba naposo on.

        Alai adong saotik sungkunon ni pahompumon ompung, ise do na sintong goar manang jou-jou daompungta na parjolo i ?

RAJA SIANTURI do manang na RAJA TURI.

Molo huboto ompung RAJA TURI do ompungtai, ai nunga piga-piga husungkun angka raja adat, raja parsinabung dohot angka raja na bisuk.

Didok nasida ianggo na sasintongna ” RAJA TURI ” do, ai hita pomparanna do didok/dijouhon ma ” SIAN RAJA TURI ”.

Mangihuthon pardalan dohot parhusor ni tingki gabe dipajempek/dipasingkat ma, gabe ” SIANTURI “.

On ma saotik tarombo na hea husungkun dohot huparsiajari sian angka natua-tua dohot raja :

RAJA TURI parsonduk bolonna :

Siboru ANIAN NA ULI boru RAJA MANURUNG Sipaidua.

1.RAJA ONDING (SIMANGONDING) Parsonduk bolonna : Boru ni RAJA NAPITUPULU.

2.LUMBAN GAMBIRI

3.LUMBAN MATA NI ARI

Adong do ninna boru ni ompungtai, alai ndang adong na mamboto tangkasna dohot goarna.

Holan ninna tu ninna dope ompung, alai adong piga-piga marga na mandok na boru sianturi ompung boruna sian ginjang songon marga Hasibuan, marga Simanjuntak dohot angka na deba dope.

I do pe na huboto ompung, molo tung adong na marhuranglobi marpanganju ma daompunghu.

Sahali nari au marsantabi ompung molo tung adong na sala informasi na hulehon on.

Asa songon tona na uli na denggan na mandok :

PAUK-PAUK MA HUDALI

PAGO-PAGO MA TARUGI

NA TADING TA ULAHI

NA SEGA TA PAULI

Jumolo hupasahat mauliate godang ompung.

HORAS TONDI MADINGIN PIR TONDI MATOGU
HORAS !

Tweet